hrollur.net

Ég er búinn að taka mynd af kagganum, hann er ekkert smá töffaralegur með beygluna sína og allur í drullu eftir að hafa keyrt í gegnum óbyggðir og fjallavega á enda veraldar. En þessi mynd að ofan er útsýnið af svölunum mínum (jarðhæð) En þarna er kirkjan sem ég ætla láta ferma Nissa í hehe, nei smá djók. Svo til hægri er Menntaskólinn á Egilsstöðum og heimavistin. Ferðin austur gekk bara mjög vel, ég skil ekki hvað ég var að hafa áhyggjur af Nissa, þegar hann fór létt með ferðina, það var afturámóti ég sem var ekki að höndla hana og er algjörlega búinn á því, vöðvabólga í öxlunum og bensíngjafarfætinum. Hvern hefði grunað að þessi leið væri svona LÖÖÖÖNNNGGG!!! Ég var 8 og hálfann tíma, og stoppaði í svona korter í Höfn í Hornafirði. Leiðin byrjaði ágætlega, fyrst kom Hveragerði, svo Selfoss, síðan Hella og þetta virtist alveg rúlla í gegn, ég var farinn að halda að ég væri nánast kominn bara. Sá Vatnajökul og óteljandi fossa, sem var alveg athyglisvert. Hún var mjög svöl þarna Jökulsá (heldég að hún heiti) en þar var áin öll í ísjökum, reyndi að taka mynd af því sem er hér að neðan. Á þessari leið er svo heimsinns lengstu einbreiðu brýr og einnig flestu einbreiðu brýr sem ég hef farið yfir á einum degi, hver annari meira ótraustvekjandi, trégólf og sumar með einhverri skrítinni áferð líkt bárujárni sem gerði mjög skrítið hljóð í nissa þegar hann þeyttist yfir. Sumar brýrnar hélt ég að myndu einfaldlega gefa sig. En þetta voru alveg hlutir sem Íslendingur verður að hafa séð um sína ævi, annað er nú bara rugl. Svo fór að dimma og kallinn var farinn að þreytast aðeins, og enn stóð á skiltunum "Egilsstaðir 456 Km" mér var hætt að lítast á blikuna og hugsaði með mér "jæja, þetta fer alveg að klárast" En NEI! hvað kemur þá? Í kolniðamyrkri og rigningu koma alltíeinu göng sem ég vissi ekki að væru á leiðinni, þau voru ekki á kortinu sem ég hafði prentað út af heimasíðu vegagerðarinnar hehe, og þegar ég kem út hinumeginn er enn meiri rigning og myrkur, engir bæir sjáanlegir og engin ljós eins langt og augað eygði, ég vissi ekki einusinni að ég væri á réttri leið, svo þegar hlutirnir áttu ekki að vera mikið verri þá er ég kominn í eitthvað sem heitir Skriður. Það er ómalbikaður vegur í brattri fjallshlíð, en fjallið er bara svona lausamöl og grjót, skilti útum allt að vara við grjóthruni og vegurinn stundum venjulegur að breidd en í sumum beygjum hátt í 6falldur. Ég hélt að það yrði mitt síðasta :) Ég á 15 ára gömlum bíl, einhversstaðar í miðjunni á hvergi og kolniðamyrkri, er nú allavega mjög feginn að minn fjallabíll ákvað ekki að gefast upp á þeim tíma. Ég gerði mér svo ferð niður á Djúpavog, varð bara að sjá þann bæ hehe, og skemmtilegast á leiðinni var Öxi, en það er háfjalla rallívegur með holum og pollum, þá var líka orðið léttskýjað og tunglbjart. En mikið var ég feginn að sjá svo Egilsstaðina góðu og íbúðina mína hérna, úff - þetta keyri ég ALDREI aftur, ekki einn allavega, þvílíkt puð.
 
Ástæðan fyrir þessu ferðalagi var náttúrulega bæði til að koma nissa austu og til að geta sjálffur mætt á Haustfögnuð Árdegis, sem var nú ekki leiðinlegt. Það var haldið í Félagsheimilinu á Seltjarnarnesi, það virðist vera fínasti partýpleys. Þar var opinn bar, léttar veitingar og skemmtiatriði. Hljómsveitin Buffið einsig heimmi gunn segir alltaf spilaði og söng. Svo klukkan 1 kemur þessi risa strætó og fer með okkur niður í bæ, skemmitleg tilviljun, því ég var svo svalur að ég mætti líka í partýið í strætó, því ég vildi ekki vera brasa með að sækja bílinn daginn eftir, og þotti það hagstæðara en leigubíll, enda þekkti ég þessa leið, bara einn vagn frá stóragerði og að suðurströnd, ekkert ves. En bærinn leystist samt uppí algjöra vitleysu, það fóru allir í sitthvora áttina og áður en maður vissi af þá voru allir farnir eitthvað annað, ég nennti ekki að standa í því og fór bara á hlölla og heim, klukkan ekki nema rétt um 3, nýtt met má segja.

Hérna eru svo nokkrar myndir sem ég læt fylgja með, jökulsáin með jöklunum í, svo sést að ég hef komið disknum mínum vel fyrir á einum garðstólnum, ég er búinn að teipa hann við hehe, svo tók ég mynd af Routernum (teacher, mother, seacret lover) sem gerir mér kleift að lifa þessa dvöl, og svo litla sjónvarpið góða. Margur er knár þótt hann sé smár, það á alveg við hér líka. Hægt að smella á þær til að sjá betur .... nýtt á hrollinum hehe

Jæja, þetta er orðin hálfgerð Bs ritgerð, einsog fyrri færsla, sem er bannað, þannig að það er best að enda þetta á stjörnuspánnu mynni af MBL einsog vanalega hehe, ég er ekki einusinni búinn að lesa hana, fleygjenni hér bara í blindni!

Vatnsberi: Stjörnurnar gera þér það auðvelt að tékka á hvernig heiminum líst á þig. Talaðu brosandi við ókunnuga og horfðu á þá breytast í vini. - awww

... á endanum :þ
En núna er maður búinn að vera hér í austurlandssælunni í mánuð og kominn tími á heimferð. Síðasti dagurinn minn er á föstudag og er stefnan að reyna laga eitthvað til á föstudagskvöldið og bregða svo undir sig betri fætinum og renna til Akureyrar á laugardaginn. Þar er nú vonandi að maður fái eitthvað djamm þar, hef núna sleppt úr heilum mánuði! Fyrir utan já þarna smá vinnudjamm um mánaðarmótin í rvk, en allavega nánast mánuð :) Ég á eftir að sakna þess að vera í stórri og góðri íbúð, og líka að vera í vinnu, hmmm. Núna er maður bara atvinnulaus, hvað gera bændur þá?? Vona að það fari að rætast eitthvað úr því. Ef ekki þá er illt í efni.

Í öðrum fréttum þá eldaði ég í fyrradag!! Það gerist nú ekki oft, nema það sé pizza eða burger. Fór í Bónus og í stað þess að taka pizzu, burger, pítu eða tacco ákvað ég að kaupa eitthvað ítalskt grísabuff, bara uppá spaugið. Mér leist ekkert á að hafa kartöflur með þar sem ég hef örugglega bara einusinni soðið svoleiðis og veit ekkert hvað þær eru lengi, þannig ég keypti bara franskar með, og hrásallat. Svo skellti ég fröllunum í ofninn í gær, og eftir svona 8 mín byrjaði ég að steikja gúmmelaðið. Svo alltíeinu ákvað ég að buffið væri til og franskarnar líka. Og þetta var bara svona ljómandi fínt, passlega steikt og franskarnar 100% líka. Ég held að ég sé siggi hall 2. Svo í kvöld gerði ég hakk og spaghettí, all dente hehe, hvítlauskbrauð on the side. Nenni samt ekki að ganga frá, eldhúsið er á hvolfi!!
 
Læt fylgja að vanda nokkrar myndir, ein er af blokkinni minni, svona er útsýnið á leiðinni heim, þetta minnir mig alltaf á lítið breiðholt, blokkir á hól :) Hægt að stækka myndir með því að smella á þær.

Stjörnuspáin er bara leiðinleg í dag, og illskiljanleg:
Vatnsberi: Þú vilt endilega vera nálægur einhverjum af yfirborðslegum ástæðum - að því er virðist vera. Dýpri ástæðan kemur seinna í ljós.

Já, 10:30 í fyrramálið verður tekið á loft í roki og rigningu frá keflavíkurflugvelli á leið til Dublin á Írlandi. Ég sem er ekki mikill aðdáendi flugs virðist bara vera fara ansi oft í rellurnar þessa dagana. Enda búið að vera mikið flakk á kallinum, enda svona flökkukall :þ Þetta er ekkert löng ferð svosem, næ 5 dögum og 4 nóttum, sem er alveg passlegt. Verður gaman að hitta Gunnu aftur, en það er svona tilgangur ferðarinnar, plús það að sjá borgina og landið. Hún ætlar víst með mig á grímuball, og ég á að vera snoop dog :o

Svo eftir Dublin fer ég að vinna í BT-Reykjanesbæ, nýja búðin sem opnar um helgina, en það verður bara tímabundið. Nú hefur lógoið verið slegið í gull, svo fínt er þetta orðið hjá þeim, ætti að koma í bæklingnum í dag. En spurning um að fara pakka fyrir ferðina, finna vegabréfið og svona ... reyndar er allt í töskunni minni enn síðan egilsstaðir-akureyri-reykjavík ferðarinnar, þannig að ég þarf bara að taka uppúr tösku það sem ég þarf ekki, stundum borgar það sig að vera svona helvíti latur.

Ahhh, ég sem ætlaði að vanda að birta stjörnuspánna mína af mbl núna, en rakst á þessa frétt efst á síðunni þess í stað, magasárið minkaði pínu við að sjá þetta. Nefnilega í síðustu 2 flugum þá hef ég haft fréttablaðið með og í bæði skiptin var flugslys á bls2, einmitt meðan maður er í flugtaki vill maður ekki lesa um það og sjá myndir. Spurning með að fá sér g&t í fyrramálið bara :)

En að lokum stjörnuspáin góða af MBL:
Vatnsberi: Að verða skotinn, heillaður eða ástfanginn gerir það að verkum að þú sérð mjög skýrt hvaða manneskja þú vilt verða. Það er gjöf til þín þótt ekkert annað gerist. - kannski verð ég ástfanginn í Dublin, hver veit :)

Hmmm, já. Vegna ó-ó-óviðráðanlegra aðstæðna er ég ekki í dublin einsog ég ætlaði, en hef seinkað þeirri ferð um 3 vikur, og fer þá 15. nóvember í staðinn :þ Þannig að maður kíkkar bara á lífið í Reykjavíkurborg um helgina. Verð samt Snoop Dog í dublin þó halloween verði löngu búin ;)